పులి వన్నె శునకం

వెల్లింగ్టన్‌ : న్యూజిలాండ్‌లో పెంపుడు జంతువుల అలంకరణ వంటి వి షయాలను చూసే ఒక సం స్థ యజమానురాలు తన ప్రావీణ్యాన్ని ప్రదర్శించేందుకు తన పెంపుడు కుక్కకు రంగుల అద్ది దానిని పెద్ద పులిలా కనబడేలా చేసింది. జోలీవుడ్‌ హౌస్‌ అనె ఈ యజమానురాలు తన వద్ద ఉన్న మూడేళ్ల ఆస్ట్రేలియన్‌ లాబ్రడూడల్‌ కుక్కకు సిందూరం (ఆరెంజ్‌) రంగు పూయడంతోపాటు దానిపై నల్లటి చారలు దిద్దింది. దీనిని చూసిన వారు ఒక నవ్వు నవ్వేలా చేయడం, వారికి సరదాగా మాట్లాడుకోవడానికి ఏదో ఒక అంశం కల్పించడానికే తాను ఇటువంటి అలంకరణ చేసినట్టు ఆమె పేర్కొన్నారు. ఎక్కువమంది దీనిని చూసి సానుకూలంగానే స్పందించారని తెలిపారు.

కొంత మందికి ఇలా ఎందుకు చేసామో అర్థం కాలేదని అయితే సరదా కోసమే ఇలా చేశామని తెలుసుకున్నాక వారు ఆనందం వ్యక్తం చశారని జోడీ వుడ్‌హౌస్‌ తెలిపారు. తాను తన కుక్కకు 100 శాతం క్షేమకరమైన జపాన్‌ డైని వాడానని ఆమె తెలిపారు. కొద్ది నెలల వరకూ మళ్లి ఆ కుక్క జూలును క్లిప్పింగ్‌ చేసేవరకూ ఆ అలంకరణ నిలుస్తుందని ఆమె తెలిపారు. ఆమె సెలబ్రిటీ వుడ్‌హౌస్‌ అని పిలిచే తన కుక్కను ప్రతిరోజూ తాను పని చేసే టౌరంగా ప్రాంతానికి వెంట తీసుకువెడుతుంది.